Туркка эрга тегиш истагидаги ўзбек аёли жами 290 минг АҚШ долларига чув тушди. Эр ҳам йўқ, пул ҳам йўқ…(Видео)
41 ёшли Ўзбекистон фуқароси Л.Р 26 ёшли Туркия фуқароси Аҳмад Узменнинг ҳаракатларидан жабр кўрган. Бу ҳақда ОАВ хабар бермоқда.
Маълумотларга кўра, ўзбекистонлик аёл йигит билан интернет орқали танишган. Эркак қисқа вақт ичида аёлнинг ишончини қозониб, унга бахтли келажак ваъда қилган. Аҳмад аёлдан у билан бирга яшайдиган квартира учун мебел сотиб олиш баҳонасида пул сўраган. У биргаликда яшаш учун квартира сотиб олганини айтган. Мебел хариди учун аёл унга 3500 АҚШ доллари берган. Кейинчалик Аҳмад янги уй сотиб олиш истагини билдирган. Бу сафар у ҳовли сотиб олмоқчи бўлиб, севгилисидан 30 000 АҚШ доллари сўраган. Аёлнинг айтишича, у Аҳмад билан танишганидан икки ой ўтиб учрашган ва у ўзини 35 ёшдаман деб таништирган, кейинчалик эса аслида 26 ёшда экани маълум бўлган. ОАВ маълумотларига кўра, аёл ушбу альфонсга жами 290 000 АҚШ доллари сарфлаган.
