Банка ичида «тўхтаган юраклар». Ёшлар нимани ичишяпти?..
Бугун кўча-кўйда, мактаб ва олийгоҳларда ҳар иккинчи ёшнинг қўлида рангли темир банка. «Қувват беради», «уйқуни очади» дейиладиган бу ичимликлар аслида организмни ичидан емирувчи «вақтли бомба» эканини биласизми?
⚠️ 1. Юрак учун «қамчи»
Бир банка энергетикда 3-4 финжон аччиқ кофедагидек кофеин бор. Бу юракни нормал ҳолатдан 2-3 баробар тез уришга мажбур қилади. Натижада — 20 ёшли йигитларда инфаркт ҳолатлари кўпаймоқда. Юрак мушаклари бундай босимга бардош беролмай қолиши мумкин.
⚠️ 2. Шакар миқдори: Ошқозон ости безининг «қотили»
Битта ичимликда 10-12 чой қошиқ шакар бор! Бу бир йўла қонга тушганда, организм шокка тушади. Инсулин кескин кўтарилади. Бу тўғридан-тўғри қандли диабетга ва жигар ёғланишига олиб борувчи энг қисқа йўлдир.
⚠️ 3. Асаб тизимининг «алдови»
Энергетиклар энергия бермайди, улар сиздаги мавжуд энергия захирасини «аёвсиз» ишлатиб юборади. Ичимлик таъсири ўтгач, одамда аввалгидан ҳам кучлироқ ҳолсизлик, уйқусизлик ва депрессия бошланади. Асаб толалари таранглашиб, уйқу режимини бутунлай издан чиқаради.
Даҳшатли факт: Кўпгина мамлакатларда энергетик ичимликларни 18 ёшгача бўлганларга сотиш тақиқланган ёки дорихоналарда сотилади. Бизда-чи? Фарзандингиз ўз пулига «заҳар» сотиб олишига бефарқмисиз?
