Футболни деб битта оилада кон тукилди
«Наполи» клуби ишқибози ҳакам томонидан тайинланган пенальти қароридан норози бўлиб, ҳиссиётларга берилган ҳолда баланд овозда ҳақоратли сўзлар ишлата бошлаган.
Шу лаҳзада унинг ёнида бўлган турмуш ўртоғи эрининг ҳақоратларини ўз шаънига қаратилган деб қабул қилган ва вазият кескинлашган. Аёл эридан уйни тарк этишни талаб қилган. Сўнгра унга қарата аввал қайчи, кейин эса пичоқ отган. Оқибатда ошхона пичоғи эркакнинг қорин соҳасига санчилган. Пичоқдан жароҳат олган эркак тез тиббий ёрдам хизматига қўнғироқ қилишга муваффақ бўлган. У телефон орқали мулоқот қилаётган вақтда ҳам аёл унга турли ўткир тиғли буюмларни отишда давом этган. Воқеа жойига етиб келган тез ёрдам бригадаси жабрланувчининг танасига пичоқ санчилиб қолганини қайд этган; эркак оғир аҳволда топилган.
Мазкур жиноий қилмиши учун аёл ҳуқуқни муҳофаза қилиш органлари томонидан ҳибсга олинди, жабрланувчи эса шошилинч равишда шифохонага етказилди.
