АҚШ Ўзбекистон фуқаросини санкциялар рўйхатига киритди
Қайд этилишича, Азизжон Мамашоев россиялик хакерлар билан АҚШ киберхавфсизлигига қарши қаратилган операцияларда, шунингдек, дастурий таъминот заифликлари савдосида иштирок этган. АҚШ Молия вазирлиги Россияга қарши санкциялар рўйхатини тўрт нафар жисмоний шахс ва учта ташкилот билан кенгайтирди. Бу ҳақда Хорижий активларни назорат қилиш бошқармаси (ОФАC) хабарида айтилади.
Рўйхатга Россия фуқаролари Сергей Зеленюк, Олег Кучеров ва Марина Васанович, шунингдек, Ўзбекистон фуқароси Азизжон Мамашоев киритилган. Шунингдек, БААда рўйхатдан ўтган Адванcе Сеcуритй Солутионс (Азизжон Мамашоевга тегишли) ва Спеcиал Течнологй Сервиcес ЛЛC ФЗ компаниялари, шунингдек, Россиянинг МАТРИХ ЛЛC компаниясига нисбатан чекловлар жорий қилди. Давлат департаменти хабарига кўра, Азизжон Мамашоев россиялик хакерлар Олег Кучеров ва Сергей Зеленюк билан биргаликда АҚШ киберхавфсизлигига қарши қаратилган операцияларда, шунингдек, “эксплойтлар” — дастурий таъминот заифликлари савдосида иштирок этган.
2025-йил ноябрида АҚШ Молия вазирлигининг Хорижий активларни назорат қилиш бошқармаси махсус тоифадаги фуқаролар ва блокланган шахслар рўйхатини янгилади. Бошқарма Россиянинг IТ-сектори билан алоқадорликда айблаб Ўзбекистондаги Датавиcе компаниясини “қора рўйхат»га киритди.
Жорий йилнинг июль ойида Тошкент шаҳрида ташкил этилган Датавиcе компанияси 31-июлдан буён IТ Парк резиденти ҳисобланади. Оргинфо маълумотларига кўра, Максим Макаров (у ҳам рўйхатга киритилган) компания таъсисчиси, раҳбари ва бош ҳисобчиси сифатида қайд этилган. Корхонанинг устав фонди 24 млн сўмни ташкил қилади. 2023-йил ноябрида АҚШ Савдо вазирлиги Ўзбекистондаги Мвизион компаниясига қарши санксия киритганди. Қайд этилишича, санксияга киритилган компания электрон ва телекоммуникатсия ускуналарини улгуржи етказиб беради. 2024-йил февраль ойида Мвизион компанияси Европа Иттифоқи санксиялари остида қолгани ҳақида хабар берилганди.
Бунгача компания 2023-йилнинг ноябрида компания АҚШ санксияларига дучор бўлганди. Декабрда Буюк Британия ҳам унга нисбатан санксия киритди.
