Отахон, нега бундай қилдингиз?! Нега ахир?! 73 ёшингизда-я!!!
Бухоро вилоятида ички ишлар ходимлари томонидан ўтказилган навбатдаги тезкор тадбир кутилмаган натижа билан якунланди. Жиноят изи бўйлаб борган ходимлар 1953 йилда туғилган фуқаронинг хонадонида бўлишди.
«Кўк пакет» сири
«Отбозор» маҳалласида яшовчи, нафақада бўлган 73 ёшли М.А.нинг (исм-шариф ўзгартирилган) хонадони холислар иштирокида кўздан кечирилди. Хонадон дарвозахонасидаги оддийгина сомон пресслари орасидан кўк рангли пакет топилди. Пакет ичидан эса ўткир ҳидли, яшил рангли, соф вазни 60,58 грамм бўлган «марихуана» гиёҳвандлик воситаси чиқди.
Отахоннинг «кеч қолган» пушаймонлиги
Дастлабки суриштирувларга кўра, отахон ушбу моддани қонунга хилоф равишда сақлаб келган. Эндиликда унга нисбатан Жиноят кодексининг 276-моддаси 2-қисми билан жиноят иши қўзғатилган. Нафақа ёшида тинчгина ҳаёт кечириш ўрнига, жиноят кўчасига кирган отахонни энди тергов ва суд жараёнлари кутмоқда.
Мутахассислар фикри:
Гиёҳвандликнинг ёши йўқ, аммо бундай ҳолатлар жамиятда маънавий тубанликнинг белгисидир. Нафақадаги инсонлар ёшларга ўрнак бўлиши керак бўлган бир пайтда, сомон орасида «заҳар» сақлаши — ачинарли ҳол.
