АҚШ самолётлари Форс кўрфазида разведка ўтказди
АҚШ Ҳарбий-денгиз кучларига тегишли бўлган иккита «P-8A Poseidon» сувости кемаларига қарши патруль самолёти Эрон жанубидаги Форс кўрфази узра разведка парвозларини амалга оширди.
Бу ҳақда «Flightradar24» авиация ресурси маълумотларида қайд этилган.
Самолётлар Баҳрайнда жойлашган «Шайх Исо» авиабазасидан ҳавога кўтарилган. Бир неча соат давом этган операция давомида улар Эроннинг бутун соҳил чизиғи бўйлаб — Ҳурмуз бўғозигача бўлган масофада парвозларни амалга оширган.
