Роналду энди АПЛ клубини сотиб олмоқчи
Криштиану Роналду Испаниянинг «Альмерия» клуби акцияларининг 25 фоизини сотиб олди. Юлдузли футболчи бу билан тўхтаб қолмоқчи эмас.
The Touchline нашрига маълум бўлишича, Роналду эндиликда Англия Премьер-лигаси клубларидан бирининг улушини сотиб олишга катта қизиқиш билдирмоқда. Ҳозирда молиявий маслаҳатчилар Роналду учун турли хил бўлиши мумкин бўлган вариантларни кўриб чиқишмоқда.
Эслатиб ўтамиз, аввалроқ Криштиану Роналду Англия Премьер-лигасида «Манчестер Юнайтед» сафида икки даврни ўтказган эди. Ҳозирда 41 ёшли португалиялик футболчи «Ан-Наср» шарафини ҳимоя қилмоқда. Куни кеча Роналду Саудия Про-лигаси доирасидаги ўйинда пенальтини голга айлантирди ва фаолиятидаги голлар сонини 965 тага етказиб қўйди.
