Криштиану Роналду Саудияни ташлаб, шахсий самолётида Мадридга учиб кетди!
Дунёнинг энг бой футболчиси Криштиану Роналду яқинлашиб келаётган уруш хавфидан даҳшатга тушиб, Саудия Арабистонини зудлик билан тарк этди. The Sun нашрининг эксклюзив хабарига кўра, Саудия ва Эрон ўртасидаги сиёсий кескинлик энг юқори нуқтага етганидан сўнг, «Ан-Наср» юлдузи ўз оиласининг хавфсизлигини ўйлаб, кечиктириб бўлмас қарор қабул қилган. Манбаларнинг таъкидлашича, Ар-Риёд осмонида ҳарбий самолётлар товуши эшитилиши билан Роналду ўз маъшуқаси Жоржина Родригез ва беш нафар фарзандини йиғиб, шахсий Gulfstream G200 самолётига чиқарган. Футболчи «олтин қафас» ҳисобланган ҳашаматли саройини ташлаб чиқишга мажбур бўлган. «Кристиану ҳеч қачон бунчалик хавотирга тушмаган эди. У учун оиласининг хавфсизлиги ҳар қандай миллиардлик шартномадан устун,» — дейди футболчининг яқин атрофидаги инсайдерлардан бири.
Ҳозирда Роналдунинг самолёти Испания пойтахти Мадрид томон йўл олган. У ерда унинг энг хавфсиз қўрғони ҳисобланган Ла-Финка туманидаги муҳташам вилласи тайёр ҳолатга келтирилган. Роналдунинг Саудияни бундай тезкорлик билан тарк этиши унинг Осиёдаги фаолиятига нуқта қўйиши мумкин. Криштиану энди майдонга қайтадими ёки уруш хавфи уни бутунлай Европага қайтарадими?
Саудия клуби раҳбарияти ҳозирча сукут сақламоқда, аммо кийиниш хонасидаги вазият «портлаш» арафасида. Роналдунинг кетиши бошқа легионер юлдузлар учун ҳам «қочиш сигнали» бўлиши мумкин.
