McDonald’s буюртмаси ва $100 бонус: Трампнинг оддий куни шов-шувга айланди
Дональд Трамп McDonalds’дан қилинган буюртмани Оқ уй остонасигача етказиб бергани учун DoorDash хизмати курерига 100 доллар чойчақа берди. Бу ҳақда New York Post нашри хабар бермоқда.
Душанба куни Америка телеканаллари президент қароргоҳига курер аёл фастфуд олиб келгани акс этган кадрларни намойиш қилди. АҚШ президенти Оқ уйдаги матбуот анжумани бошланишидан аввал шахсан ўзи эшикни очиб, буюртмани қабул қилиб олган.
Суратларда президент унга 100 доллар бераётган лаҳза ҳам тушиб қолган. Кейинроқ курер аёл журналистларга чойчақа олганини тасдиқлаган.
Курернинг қўлидан иккита пакетни олгач, Трамп аёлдан солиқ қонунчилигига киритилган ўзгартиришлар унга тақдим этган рекорд даражадаги солиқ имтиёзи ҳақида фикрини сўраган. “Жуда ажойиб”, деб жавоб берган аёл.
