Холанд ва Ҳусанов ўртасида нима гап?!
Эрлинг Холанд «Sky Sports» нашрига берган интервьюсида «Арсенал»га қарши ўйин олдидан Абдуқодир Ҳусановнинг «Манчестер Сити»даги ўсишига баҳо берди:
«Ҳусанов биз учун шунчаки ақл бовар қилмас даражада ўйнамоқда. Янги мамлакатга кўчиб ўтиш ва тилни билмаслик — бу доим катта синов. Премьер-лигадаги илк ўзбекистонлик футболчи мақоми ҳам унга қўшимча босим юклайди. Мен унга қўлимдан келганча ёрдам беришга ҳаракат қиляпман, чунки бундай вазиятларда қанчалик қийин бўлишини яхши биламан».
Сўнгги ўйинларда Ҳусанов мунтазам равишда асосий таркибда майдонга тушмоқда ва жамоа ҳимоясининг муҳим бўлагига айланиб бормоқда.
