Бу ерда эр сотилади!
Хитойда ақл бовар қилмас бир дўкон очилди. Бу ерда эр сотилади! Дўкон 5 қаватдан иборат бўлиб, қават юқорилаган сайин «товар» сифати ортиб боради. Лекин қоидалар темирдан:
-
Кейинги қаватга чиқдингми, ортга қайтиш йўқ!
-
Танладингми — тамом, на қайтариб бўлади, на алмаштириб!
-
Бу дўконга ҳаётда фақат бир марта кириш мумкин.
🙎♀️ Аёл ва чексиз орзулар гирдоби
Бир аёл қизиқиш билан дўконга кирди.
-
1-қават: «Бу ердаги эркаклар кўҳлик ва яхши пул топишади». Аёл: «Ёмон эмас, лекин тепада нима бор экин?» деб, 2-қаватга чиқди.
-
2-қават: «Кўҳлик, бой ва болаларни севади». Аёл: «Ваав! Жуда зўр, лекин юқорида бундан ҳам яхшиси бўлса-чи?» деб, 3-қаватга ўтди.
-
3-қават: «Кўҳлик, бой, болаларни севади ва уй ишларида ёрдам беради». Аёл: «Идеал! Нима керак яна? Лекин 4-қаватда нима борлигини кўрмасам бўлмайди!»
-
4-қават: «Кўҳлик, бой, болаларни севади, уй ишларига қарашади ва ўта романтик». Аёлнинг ақли шошди: «Мана менинг бахтим! Лекин… 5-қават-чи? Охиригача чиқай!» — деди-ю, 5-қаватга қадам қўйди.
5-қаватдаги таблода шундай ёзилган эди:
«Узур, бу қаватда эрлар сотилмайди. Бу қават аёлларнинг ҳеч қачон тўймаслигини ва доим кўпроғини хоҳлашини исботлаш учун қурилган. Сиз 8 976 853-мижозсиз. Шу пайтгача бирорта аёл бу дўкондан харид билан чиқиб кетмаган!»
