Тўй. Француз келини ҳижобда, ўзбек амма бош яланг! (Видео)
«Жиянингизга қойил! Франциялик қизни ўзига ром этиб, юртимизга олиб келибди…»
Жиянингиз ҳақиқий азамат экан. Бориб Франциядан бир қизнинг бошини айлантириб, ўзига турмушга чиқишга кўндириб келибди. Қиз ҳам, тўғриси, довдираб қолган бўлса керак. Чунки ўзини эртаклар мамлакатига тушиб қолгандек ҳис этаётгандир. Бу томонлари жуда зўр. Айниқса, француз қизининг Исломни қабул қилиб, ҳижобга киргани воқеага ўзгача файз бағишлади. Ростини айтганда, қанчадан-қанча ўзбек йигитлари ҳам бунга ҳавас қилиб юборган бўлса, ажаб эмас.
Бу ёғи-ку ажойиб! Аммо, аммаси… Француз қизи ҳижобга кирган бир пайтда, сизнинг мана шундай боши яланг юришингиз, «замонавий аёл» бўлиб олганингиз бироз хунук кўринибди-да. Энди ўша келинингиз — француз қизи: «Мени ҳижобга киртиришди-ю, ўзлари мана бундай юришибди», деб устингиздан кулмайдими? Эртага Парижга борганида, ўзининг эртаклар диёрида юргани билан бир қаторда, сизга ўхшаб на мусулмон ва на кофир бўлиб, аросатда юрганингизни достон қилмайдими? Ҳеч қурса, шу видеони олаётганингизда бошингизга бир рўмол ўраб олмабсиз-да…
