Итак, тўртта болам бор!..

– Мумкинми? Гуд монинг! Салом! Рухсатингиз билан ўзимни представить этсам… Жонетта Кабуловна Халтаева! Мен к сожалению сизнинг сочинениеларингизни ўқиган эмасман. Ростини айтсам, китоб ўқишга вақт йўқ. Биласиз, время – деньги. Хотя эшитганман. В основном мамашкалар ҳақида ёзаркансиз.

Менинг ҳам тўртта болам бор… Нима? Унақага ўхшамайди, дейсизми? Раҳмат, комплемент учун! Ҳамма шунақа дейди. Мен мамамга ўхшайман. Мамам олтмиш ёшдаям аппетитний эди. Как куколка! Ҳар куни сочини причёска қилдирарди. Альчибальтга! Альчибальтни танийсизми? Неужели? Первоклассний мастер-ку! Мужской салонига бормаганмисиз? Впрочем, майли… Оловингиз борми?.. Йўқ-йўқ, мен „Море“ чекаман… Сенкью. Зажигалкангизга гап йўқ. Точно импортний!

Итак, тўртта болам бор. Маратик – Нукусда. Интернатда. Ёши… Минуточку, ёши, помоему ўн тўртда. Шу йил ўн тўртга киради. Копия – папаси. Кр-р-расавчик! Смуглийлиги, кўзининг разрези… Папаси билан биринчи встречамиз Нукусда практикага борганимда бўлган. Зам министр эди. Шунақа абаятельний, шунақа интеллигентний. Икки йилча турдик. Цивилизованный ажрашдик. Тўғрисини айтди. „Жаночка, жоним, – деди, – бу ёғи прокол бўладиганга ўхшайди, хотиним жалоба ёзибди, двоеженство учун ишдан ҳайдашлари мумкин“, деди. Биласиз, у пайтда бунақа масалалар строгий эди. „Маратик учун волноватся қилма, ўзим опекамга оламан, сен, Тошкентга кетавер, регулярно бориб тураман“, деди. „О-кей!“ Дедим…

…Нигорочка – Самарқандда. Тоесть, Нигорочка эмас, Наргизочка! Нигорочка – Қўқонда…

Где-то икки йилча олдин Самарқандга бордим. Наргизочканинг детдомига кирдим. Детдом – так себе. Аммо директор ништяк экан! Дылда!

Бўй-басти икки метр. „Братан, дедим, – Наргизочкадан хабар олишим қийин. Ишларим навалом“, дедим. „Хотиржам бўлинг. Наргизочкага ўзим оталик қиламан“, деди. Уч кун меҳмон бўлдим. Кр-р-утой эркак экан! Молодец!

Наргизочканинг папочкаси ҳам крутой эди. Межрайонний нефтебазада директор бўлиб ишларди. Ёши элликдан ошган бўлса-да, как огурчик эди. Самарқанднинг пахани эди. Хотинидан қўрқмасдан шик-к-карний тўй қилди. Ресторанда. Ёмон яшамадик… Қамалиб кетгани чатоқ бўлди.

Ўша ердан „ксива“ келди – хабар. У кишининг айтишларича, как будто ҳаммасига мен виновата эканман. Э, тўкил дедим! Бензинга дизтопливо қўшишни мен ўргатдимми сенга дедим!

Аммо Нигорочкадан анчадан бери хабар олганим йўқ. Айттим-ку, „время – деньги“. Қўқонга ҳеч йўлим тушмаяпти. Нигорочка отасида қолган. Предприниматель эди. „Жаҳон бозорида“ саккизта „точка“си бор эди. Характери „миленький“. Такой послушный. Иккита хотинидан боласи бўлмагани учунми, Нигорочкани жонидан ортиқ кўрарди. Ҳар куни минг хил ўйинчоқ олиб келади. Ҳаммасига ўзи айбдор! Нуқул замечание бера-ди, нотация ўқийди. „Жаннатхон, таҳорат сувини яхши иситмабсиз. Хуфтондан кейин кўчага чиқмасинлар. Номаҳрамларга кўринмасинлар. Бегона эркаклар билан гаплашмасинлар!“ Томи кетган фанатик! Эркакнинг ҳам бегонаси бўларканми?! Э, сирпал, дедим! Обберган бир хонали квартирангга как дурочка учинчи хотин бўлиб ўтиришим керакми, дедим!

…Пардон, яна оловингиздан… Сенкью. Между прочим, зажигалкангизга гап йўқ! Кўп чекасизми? Шавкатнинг папасиям кўп чекарди. Мана буни настоящий мужик деса бўлади! Қомат бесподобний! Сочлар курчавий! Бизнесни синдириб қўяди! Ҳамма иши „дода“! Тўртта хотинини вот так обеспечить қилиб қўйган. Разумеется загсимиз йўқ эди. Впрочем буниси неважно. Иккита „Мерси“ бор эди. „Мерс-600“! Белдерсойдаги дачасини айтинг! Саунаси, бассейни…

Нет равных! Бир йилча бўлди. Россияга кетганча дараги йўқ. Ўша ердаги братанлардан суриштирсам, биз не в курсе дело, дейди…

Шавкатчик ўзимда. Икки ёшга чиқди. Шустрий. Ходячая бомба. Между нами бир гап айтайми? Уйга нотаниш „дядя“лар келса, ҳалитдан мени ревновать қилади, паразит! Сизни „фазендам“га „ходячий бомба“ йўқлигида чақираман, о-кей!

В обшем майли, ближе к делу! Менга сизнинг паддержкангиз керак. Ҳокимиятга заявление берган эдим. „Мен мать одиночкаман. Қийналиб кетдим, шаҳар марказидан квартира беришингизни сўрайман“, деб. Борсам бир пацан ўтирибди. Ўн кундан кейин келинг, деди. Бугун борсам нима дейди денг? „Тўрт хонали уйингиз бор экан-ку!“ дейди. Мен уйни сенинг пулингга опманми? Худога шукур, бошимда эрларим тоесть, эрим бор, тоесть бор эди. Бу уйни ўз пулимга сотиб олганман. Йигирма минг „бакс“га! Тағин нима дейди денг, фраер? „Опажон, „монетный двор“дан чиқиб келдингизми, ҳамма ёғингиз бриллиант-ку!“ дейди. Менга комплимент қиляпти, сопляк! Бриллиантни сен подарка қипсанми? Аёл бошим билан бизнес қиляпман. „Челнок“ка боряпман. Стамбулга, Дубайга, Южний Кореяга… Осонми? Ҳар қадамда „мент!“ „Доля“ чўзмасанг, ҳаммасини опқўяди!

Кстати… Дубайда бўлганмисиз? Обязательно боринг! Техника почти даром! Тилла – навалом. Араблар темпераментний бў… Ну, буниси неважно!

Короче, ҳокимиятдаги ўша пацан „Сизга уй йўқ, ҳамма квартиралар приватизация қилиб бўлинган, қаёққа борсангиз, „катта кўча“, деди. Шуни бир фельетон қилинг! Беспомошний мать-одиночкани унижат қилиш қанақа бўлишини бир кўрсатиб қўйинг! Мен ҳам қарздор бўлиб қолмайман. Фамилияси… Минуточку, фамилияси… Ёзиб олганман…

Нима? Ёзмайсиз? Тоесть, как ёзмайсиз? Нима? Нима дедингиз? Яна бир қайтаринг! „Мен инкубатор тузатадиган уста эмасман“, дедингизми? Ким инкубатор? Нега аёл кишини ҳақорат қиласиз? Нима ҳақингиз бор? Нахал! Писака несчастный! Ма, зажигалканг бош-ш-шингдан қолсин!

Ўткир Ҳошимов