Олимлар дунёнинг охири қачон келишини ҳисоблаб чиқишди!..
Коинот учун ривожланишнинг фақат иккита йўли мавжуд.
Испаниянинг Доностия шаҳридаги Халқаро физика маркази олимлари дунёнинг охири қачон келишини аниқлашди. Бу ҳақда 29 апрель куни «Daily Mail» нашри хабар берди.
Тадқиқотчиларнинг таъкидлашича, дунёнинг охири «Катта портлаш»дан 33,3 миллиард йил ўтгач содир бўлади. Ҳозирги вақтда Коинотнинг ёши тахминан 13,8 миллиард йилни ташкил этади. Бундан келиб чиқадиган бўлсак, дунёнинг охиригача ҳали яна 19,5 миллиард йил атрофида вақт бор.
Олимларнинг фикрича, дунё «катта сиқилиш» (Great Crunch) натижасида ҳалокатга учраши мумкин. Ушбу назарияга кўра, Коинотнинг ҳозирги кенгайиши вақт ўтиши билан тўхташи ва акс жараён — қисқариш билан алмашиши мумкин. Бундай ҳолатда, барча коинот объектлари бир-бирини янчиб ташлагунга қадар аста-секин яқинлашиб боради.
«Якунда Коинот гигант қора ўтиш жойларига (қора туйнукларга) айланиб кетиши эҳтимоли жуда юқори», — дейилади нашрда.
Тадқиқот муаллифлари Коинотни иккита якун кутаётганини қўшимча қилишди: у ёки кенгайишда давом этади, ёки оловли шарга айланиб, ичга қараб портлайди .
