Трамп Нобел тинчлик мукофотига номзод бўлиши мумкин эди
Reuters агентлиги маълумотига кўра, АҚШ президенти Доналд Трамп Нобел тинчлик мукофотига номзод сифатида кўрсатилиши мумкин эди.
Маълум қилинишича, ҳозирда мукофот учун 208 нафар шахс ва 79 та ташкилот даъвогарлик қилмоқда. Норвегия Нобел институти директори Кристиан Берг Гарпвикен номзодлар орасида кўплаб янги шахслар борлигини таъкидлаган.
Журналистлар қайд этишича, Камбоджа, Исроил ва Покистон каби давлатлар Трампни номзод сифатида илгари суриши мумкин эди. Ушбу мамлакатлар раҳбарлари аввал ҳам бу ниятларини очиқ билдирган.
Бироқ номзодлар рўйхати махфий сақланиши сабабли, бу маълумотни расман тасдиқлаш имкони йўқ.
