Венада Украинани қўллаб-қувватлашга қарши митинг ўтказилди

Вена шаҳрида Украинани қўллаб-қувватлаш сиёсатига қарши норозилик намойиши бўлиб ўтди.

Маълумотларга кўра, намойиш иштирокчилари Австрияда ижтимоий нафақалар қисқараётгани, шунингдек Россияга қарши санкциялар ортидан энергия нархлари ошиб бораётганидан норози бўлган.

Намойишчилар мамлакатнинг Европа Иттифоқидан чиқишини талаб қилди. Намойиш давомида “Бетарафлик ва тинчликка — ҳа, НАТОга — йўқ” деган шиорлар ҳам янгради.

Норозилик тадбири ташкилотчиси Мартин Руттер Украинадаги можаро ҳақида фикр билдириб, австриялик солиқ тўловчилар ҳисобидан ташқи можаролар молиялаштирилишини ҳеч ким истамаётганини таъкидлади.