Озарбайжонлик хонанда сунъий интеллектда яратилган мультфильмлар ортидан 3 млн доллар даромад олди
“Мен қулупнайман, сен ҳам қулупнайсан, нега биздан банан туғилди?” Агар интернетдан фойдалансангиз, бу иборани камида бир марта эшитган бўлишингиз мумкин. Маълум бўлишича, ижтимоий тармоқлардаги вирусли контент хонанда Жонйнинг 2020-йилда чиққан “Камин” қўшиғига иккинчи машҳурлик тўлқинини олиб келган.
Айнан ушбу трек мевалар ўртасидаги муносабатлар ҳақида сунъий интеллект ёрдамида яратилган мини-сериалларда фон мусиқаси сифатида ишлатилган. Энг машҳур қаҳрамонлар эса банан ва қулупнай бўлган.
Бир ой ичида қўшиқ YouTube Music платформасида 879 миллион марта тингланиб, мутлақ рекорд ўрнатди. Натижада у Taylor Свифт, Жастин Бибер ва Драке каби жаҳон юлдузларини ортда қолдирди.
TikTok фойдаланувчилари ҳисоб-китобига кўра, Жонй ушбу тингланишлардан тахминан 3 миллион АҚШ доллар — ўзбек сўмида ўртача 38-39 миллиард сўм ишлаб топган бўлиши мумкин.
39 миллиард сўмга нималар сотиб олиш мумкин?
Ўзбекистондаги нархлардан келиб чиқиб, бунга масалан:
40–50 та янги автомобил
Тошкентдан бир нечта премиум квартира
хусусий кичик самолёт ёки вертолётнинг айрим моделлари
кичик меҳмонхона ёки ресторан бизнеси
тўлиқ медиа/студия лойиҳаси
жуда катта ҳовли ёки коттежлар
ўнлаб кафе/франшиза очиш мумкин.
Оддийроқ солиштирса, бир одам ойига 10 миллион сўм харажат билан 300 йилдан кўпроқ яшаш мумкин.
Биргина концерт гонорари 80 минг АҚШ доллари
Маълумот учун, асл исми Жаҳид Афраил ўғли Ҳусайнли бўлган хонанда 1996 йил 29 февралда Боку шаҳрида туғилган. 4 ёшидан бошлаб Москвада яшаган Жонй 2019-йилларда куйлаган қўшиқлари билан Россия ва МДҲ давлатларида машҳурликка эришган.
Хонанданинг продюссерига кўра, Жонй Россия эстрадасида энг кўп ҳақ олувчи санъаткорлардан бири. У битта концерт учун тахминан 6 миллион рубль (75-80 минг АҚШ доллари) гонорар олади. Жонй шу йилнинг 17 апрель куни Тошкентдаги “Ҳумо арена” саройида яккахон концерт дастурини ўтказди. Аммо у Ўзбекистонга келиши ва концерт бериши учун қанча миқдорда гонорар олгани очиқланмаган.
