Менинг 8 та хотинимни ким ўғирлади?!
«Меникиларни қайси биринг ўзлаштириб олдинг?! Дарров қайтариб бер! Барибир қўлингдан ҳеч бало келмайди! Бекорга мен билан бирга бўлиши ва менга хотин бўлиши керак бўлган қизларнинг номи ёмон бўлгани қолади…
Мени кичкина деманглар. Сал кунда ёшим ҳам, бўйим ҳам каттаради. Айтиб қўяй, ҳозирдан спортнинг ҳамма тури билан шуғулланишга қасд қилганман. Чунки биламан, сал бўшанглик қилсам, хотинсиз қолиб кетишим мумкин. Аммо барибир, ҳозир ҳам менга тегишли бўлган саккизта қизни кўриб туришим керак эди. Лекин кўрмаяпман!
Айт! Яхшиликча айт, менинг 8 та қизимни қайси биринг «шимо» (ўзлаштириб) қилдинг?! Бошим ачиб кетаяпти. Статистика бўйича ҳар бир ўғил болага 8 та қиз тўғри келар экан. Лекин менда йўқ. Йўқ-а, менда!.. Алам қилаяпти! Ким олган бўлса, қайтариб берсин, йўқса ҳозирча ўзимни тупроққа ташлаб, думалаб жанжал кўтараман!..»
