Эсингни еб қўйибсан, аҳмоқ!..

 Ўзи мана шу кийимларимизгина қолган, нима, сен шундан ҳам айирмоқчимисан?! Эсингда бўлсин, бундан бу ёғига ҳеч қачон «банкни ўмарамиз» дема. Чунки у ердагилар шунақанги пихини ёриб юборишганки, ўғирликка кириб, қип-яланғоч бўлиб чиқиб кетасан. Ҳозирги банклар ўғриларни ҳам ўмаришяпти. Шунақа силлиққина, осонгина, сездирмайгина… Шундай экан, бу гапни бир айтдинг, иккинчи марта оғзингга олма! Ҳозир банкни ўмариш у ёқда турсин, унинг ёнидан ҳам ўтиб бўлмайди. Ўтдингми — тамом! Адо бўлганинг, хор бўлганинг мана шу!.. Кетдик бу ердан, тез бўл! Оёғингни қўлингга ол! Орқангга қарамай қоч. Қарасанг — гадо бўласан!.. Қо-о-оч!!!