“Биз тайёрмиз!” — Озода Нурсаидова катта концерт олдидан мухлисларга мурожаат қилди
Таниқли хонанда Озода Нурсаидова ўзининг Instagram саҳифаси орқали мухлислари билан яна бир қувончли янгиликни бўлишди. Санъаткор 13 майдан катта концерт дастури бошланишини маълум қилди.
Унинг айтишича, 13–22 май кунлари «Халқлар Дўстлиги» санъат саройида 10 кун давом этадиган концерт дастури бўлиб ўтади. Мазкур лойиҳа хонанданинг мухлислари учун унутилмас мусиқий кечаларга бой бўлиши кутилмоқда.
Озода Нурсаидова кеча жойлаган видео постида жамоаси билан концертга пухта тайёргарлик кўраётганини ҳам таъкидлаган:
“13–22 май кунлари «Халқлар Дўстлиги» санъат саройида 10 кунлик концерт дастуримиз бўлиб ўтади. Биз тайёрмиз! Кўриб турганингиздек, катта жамоамиз билан қизғин тайёргарликдамиз. Бугун репетиция жараёнлари давом этмоқда, эртадан эса концертларимиз старт олади. Шунингдек, бугун янги клипимиз ҳам премера қилинди — албатта томоша қилинглар.”
Мазкур эълон мухлислар орасида катта қизиқиш уйғотди. Изоҳларда санъаткорга омад тилаб, концертларга боришни режалаштираётганлар сони тобора ортмоқда. Кўпчилик ушбу 10 кунлик концерт дастури йилнинг энг шов-шувли мусиқий воқеаларидан бирига айланишини таъкидламоқда.
