Пентагон тақиқлаяпди. Демак, бир гап бор!..

NYT: Пентагон Эронга бериладиган зарбаларда бункерларга қарши бомбалардан фойдаланишни чеклади.

АҚШда ушбу бомбалар Хитой ва Шимолий Корея билан бўлиши мумкин бўлган тўқнашувларга етмай қолишидан хавотир олмоқдалар.

Пентагон захиралар етишмаслиги ҳамда Хитой ва Шимолий Корея (ХХР ва КХДР) билан юзага келиши мумкин бўлган можаролардан хавотирланиб, Эронга бериладиган зарбаларда бункерларга қарши қўлланиладиган бомбалардан фойдаланишни қисқартирмоқда. Бу ҳақда 13 май куни АҚШ расмийларига таяниб The New York Times нашри хабар берди.

Нашр маълумотларига кўра, бункерларга қарши ўқ-дорилар захираси чеклангани сабабли, америкалик ҳарбийлар Теҳроннинг ер ости объектларини бутунлай йўқ қилиш ўрнига, уларнинг кириш йўлларини тўсиб қўйиш (блоклаш) тактикасига ўтмоқдалар.

Таъкидланишича, Қўшма Штатлар Эрон билан бўлган можаро давомида ўзларининг юқори аниқликдаги қуролларининг катта қисмини, жумладан, қанотли ракеталар ва «Patriot» тутиб олувчи ракеталарини ишлатиб юборган. Бу захираларни қайта тиклаш учун эса йиллар талаб этилади.

Пентагон ўқ-дориларнинг бундан кейинги сарфи АҚШнинг Осиё-Тинч океани минтақасидаги потенциал можароларга тайёргарлигини заифлаштиришидан хавотирда.