CNN: «Эроннинг ҳарбий-саноат базаси яшин тезлигида тикланмоқда!..»
Эрон АҚШ билан ўт очишни тўхтатиш тўғрисидаги келишув амал қилаётган бир пайтдаёқ дронлар ишлаб чиқаришни қисман қайта тиклади. Бу Теҳрон ўз ҳарбий-саноат мажмуасини тезкорлик билан тиклаётганидан далолат беради. Бу ҳақда 21 май куни CNN телеканали ўз манбаларига таяниб хабар берди.
«Эронликлар разведка хизматлари томонидан белгиланган ҳарбий-саноат мажмуасини тиклаш бўйича барча муддатлардан ўзиб кетишди», — деди америкалик мулозим.
Турли қурол компонентларини ишлаб чиқаришни қайта йўлга қўйиш муддатлари фарқ қилса-да, АҚШ разведкасининг баъзи баҳолашлари шуни кўрсатмоқдаки, «Эрон дронлар орқали зарба бериш салоҳиятини атиги олти ой ичида тўлиқ тиклаши мумкин», деб хабар берди манбалардан бири.
Қайд этилишича, Теҳрон бир қатор омиллар комбинацияси, жумладан, АҚШ-Исроил коалицияси Ислом Республикасига етарлича жиддий зарар етказа олмагани сабабли кутилганидан анча тезроқ тикланишга муваффақ бўлган.
Ҳарбий рейслар: америкаликлар Эрон билан қандай қилиб қайта урушмоқчи
Экспертлар АҚШ операцияси 72 соат ичида бошланиши мумкинлигини инкор этмаяпти — Теҳрон нима билан жавоб қайтаради?
Шу куннинг ўзида Эрон АҚШ ва Исроил билан бўлган можарода ҳалигача фойдаланилмаган замонавий қурол турларига эга экани хабар қилинди. Аниқлик киритилишича, Теҳронда ҳужумларни қайтариш учун ишлатишга тайёр бўлган етарлича ресурс ва воситалар мавжуд.
12 май куни CBS News телеканали Покистон Эронга ўз ҳарбий авиациясининг бир қисмини АҚШнинг эҳтимолий зарбаларидан асраш учун яширинча ўз аэродромларига жойлаштиришга рухсат бергани ҳақида хабар берди. Мавжуд маълумотларга кўра, АҚШ Президенти Дональд Трамп апрель ойи бошида Эрон билан ўт очишни тўхтатиш режимини эълон қилганидан бир неча кун ўтгач, Теҳрон бир нечта самолётини Покистоннинг «Нур Хон» авиабазасига кўчирган.
