Террор давлати Исроилнинг экстремист вазири Итамар Бен-Гвир ланъатланди!..
Туркия, Канада, Қатар, Италия, Польша, Буюк Британия, Нидерландия, Испания, Франция ва қатор бошқа давлатлар Исроилнинг экстремист вазири Итамар Бен-Гвир ўнлаб «Сумуд» Глобал флотилияси фаолларига нисбатан шафқатсиз муносабатда бўлгани акс этган видеони эълон қилганидан сўнг ўз норозиликларини билдирди.
Бир нечта давлатлар Исроил элчиларини чақиртириш ниятида эканликларини маълум қилишди.
Бен-Гвир томонидан эълон қилинган видеода Исроилнинг порт объектларидан бирига ўхшаш ҳудудда ўнлаб қуролсиз гуманитар фаолларнинг қўллари орқасига пластик сиртмоқлар (стяжка) билан боғланган ҳолда, қатор бўлиб тиз чўкиб тургани кўринади. Шунингдек, кадрларда Бен-Гвир «Фаластинган эркинлик!» дея ҳайқирган фаол аёлни куч ишлатиб ерга йиқитгани ҳам акс этган.
