Йиғлайликми, ё кулайликми? Мактабда географияни яхши ўқиш керак эди!

Франциянинг «ПСЖ» жамоаси ишқибози Европа футболидаги йилнинг энг муҳим учрашуви — УЕФА Чемпионлар лигаси финалига бора олмади. Бунга унинг оддий географик хатоликка йўл қўйгани сабаб бўлган.

Маълумотларга кўра, футбол мухлиси Венгрия пойтахти Будапешт ҳамда Руминия пойтахти Бухарест шаҳарлари номини ўзаро адаштириб юборган. Натижада, у финал ўйини бўлиб ўтадиган Венгрия ўрнига янглишиб Руминияга учиб кетган ва кутилмаган вазият қурбонига айланган.