Эрон Ҳормуз бўғозидан Қизил денгизгача янги “хавфсизлик камари” яратиш режасини эълон қилди
Эрон Ҳормуз бўғозидан Баб ал-Мандебгача ва Форс кўрфазидан Қизил денгизгача янги «хавфсизлик камари» яратиш режасини эълон қилди.
Бу ҳақда Ислом инқилоби қўриқчилари корпусининг Қудс кучлари қўмондони Исмоил Каани маълум қилди.
«Қаҳрамон Яман халқининг ўз вақтида ва қатъиятли ҳаракатлари қаршилик фронтининг ақл-заковатини намойиш этади. Агар керак бўлса, бошқалар ҳам қўшилади», деди у.
Каани Эрон иттифоқчиларини назарда тутиб, Бирлашган Қаршилик Фронтининг барча аъзолари чегара ҳимоясида иштирок этишини аниқлик киритди.
