Meta платформаларида глобал носозлик юзага келди

Ҳозирги вақтда дунё бўйлаб, хусусан, Ўзбекистонда ҳам Facebook, Instagram ва мессенжер тармоқлари ишида жиддий техник носозлик кузатилмоқда.

Дастлабки маълумотларга кўра, муаммо фойдаланувчиларнинг қурилмасида ёки маҳаллий интернет провайдерларда эмас, балки Meta компаниясининг марказий авторизация тизимида юзага келган. Натижада серверлар фойдаланувчи шахсини тасдиқловчи рақамли калитларни (сессияларни) таний олмаяпти.