Агар Россия NATO аъзосига ҳужум қилса, Калининград ва Санкт-Петербургга авиазарбалар берилади
Агар Россия NATO аъзосига ҳужум қилса, Калининград ва Санкт-Петербургга авиазарбалар берилади — Германия Ҳарбий-ҳаво кучлари қўмондони.
Германия ҲҲK раҳбари агар Россия NATO аъзоси бўлган бирор мамлакатга ҳужум қилса, Калининградга ҳаводан зарба бериш билан таҳдид қилди.
Ҳолгер Нойманн «The Telegraph» нашрига берган интервьюсида, агар Москва NATO’нинг исталган давлатига ҳужум қилса, бунга жавобан Россия ҳудудига, хусусан, Калининград, Санкт-Петербург, Кола ярим ороли ҳамда Қора денгиздаги флотга «вайронкор авиазарбалар» берилишини таъкидлади.
»Ҳатто бугун тунда жанг қилишимиз мумкин. Aгар кимдир менга ҳозир қўнғироқ қилиб, вазият шундай эканини айтса, биз айни шу дақиқада тайёр туришимиз керак ва биз тайёрмиз», — деди Нойманн.
Бироқ у Европа ва Россия ўртасида уруш чиқмаслигига умид қилишини ҳам қўшимча қилди.
