Путин дронлар орқали Россияга берилаётган зарбаларни “жамиятни ларзага келтиришга уриниш” деб атади
Россия президенти бундай фикрни ҳарбий олий таълим муассасалари битирувчилари билан учрашувда билдирди.
«Бу дронлар, фуқаролик инфратузилмасига берилаётган зарбалар нима учун? Албатта, жамиятни ларзага келтириш учун. Шубҳасиз, бутун Ғарб уларга ишлаётган, ушбу учувчисиз учиш аппаратлари улкан оқим билан келмоқда.
Бундан Россия Қуролли кучларининг ҳаракатларига нисбатан қандайдир ишончсизлик уйғотиш кўзланган. Фронтдаги ҳолатни эса улар эътибордан четга суриб қўйишмоқда. Ваҳоланки, фронтда йигитларимиз уларни ҳар куни тор-мор келтирмоқда. Ҳар куни тор-мор келтиришмоқда», — деди Владимир Путин.
