«Венгрияда икки ой ичида янги президент пайдо бўлиши мумкин»
Петер Мадяр Венгрияда икки ой ичида янги президент пайдо бўлиши мумкинлигини маълум қилди.
Бу ҳақда Мадяр парламентда сўзлаган нутқида маълум қилди, деб хабар бермоқда Telex.
Бош вазир президент ваколатларини тугатиш бўйича Асосий қонунга ўзгартиришлар киритилишини эълон қилди. Тузатишлар қабул қилингандан сўнг, Венгрия жамияти иштирокида конституциявий жараён бошланади. Кейин ўзгартиришлар умумхалқ референдумига қўйилади. Янгиланган Конституция тасдиқлангач, Миллий Ассамблея янги давлат раҳбарини сайлайди.
Венгрия бош вазирининг сўзларига кўра, амалдаги президент Тамаш Шуйок 20 июль атрофида ўз лавозимини тарк этади. Шунингдек, ҳукумат сентябр ойидан бошлаб мамлакатнинг янги конституциясини тайёрлашни бошлашни режалаштирмоқда.
Мадяр бундан олдин парламент амалдаги Асосий қонунга 17-тузатишни қабул қилиши кераклигини таъкидлади. Янги конституция устида ишлаш тахминан бир йил давом этиши кутилмоқда.
Эслатиб ўтамиз, Мадяр ҳокимият тепасига келганидан бери президент Шуёкни Виктор Орбан режимининг «қўғирчоғи» деб айблаб, уни четлатишга фаол ҳаракат қилмоқда.
