Мах мессенжерида Россиядаги бензин тақчиллиги муаммоси муҳокама қилинадиган чатлар блокланмоқда
Россия оммавий ахборот воситаларида Мах мессенжерида ёнилғи билан боғлиқ муаммоларни муҳокама қилишга мўлжалланган чатлар блокланаётгани ҳақида хабарлар пайдо бўлди.
Хабарларга кўра, 24 ва 25 июн кунлари Мах’да Владимир, Иваново, Твер, Чита ва Краснокаменск шаҳарларидаги бензин билан боғлиқ вазиятга бағишланган чатлар блоклаб қўйилган.
Хусусан, Владимирнинг “Чеснок” Тlegram-канали бирданига иккита чат блоклангани ҳақида маълум қилди. Биринчи чатда 15 минг обуначи бўлган. Иккинчиси эса биринчиси ёпилгандан кейин яратилган, бироқ у ҳам кўп ўтмай блокланган.
Қайд этилишича, чат “расмий қоидабузарлик сабабли” блокланган, чунки Россияда 10 мингдан ортиқ обуначига эга бўлган ресурс Роскомнадзор реестрида рўйхатдан ўтиши шарт ҳисобланади.
