Россия ўз танкерларини қуроллантирмоқда – The Times
Нашрнинг ёзишича, Москва ўз танкерларига қурол ўрната бошлади, бу эса Европа давлатларини санкцияга тушган нефт ва суюлтирилган табиий газ ташувчи кемаларни тутиб қолишдан қайтариши мумкин.
Россиянинг суюлтирилган табиий газ ташувчи асосий танкерларидан бири бўлмиш «Маршал Василевский» кемасининг капитан кўпригида иккита стационар қурол пайдо бўлгани кузатилди. Улар катта эҳтимол билан дронлардан ва кемага мажбуран чиқиш уринишларидан ҳимояланиш учун мўлжалланган.
Гаага стратегик тадқиқотлар марказининг мудофаа масалалари бўйича мутахассиси Патрик Болдер бу NATO учун огоҳлантириш эканини айтди: «Бизнинг кемаларимизга кемага мажбуран чиқиш уринишини қилманг, чунки бу уруш чиқариши мумкин», – деди у.
Разведка вакилининг таъкидлашича, «Маршал Василевский» каби кемаларнинг қуроллантирилиши Европа давлатларига «соя флотининг» исталган кемаси бортига чиқишга халақит бериши мумкин.
«Агар соядаги флот кемалари йирик калибрли пулемётлар билан жиҳозланиши мумкинлиги ҳақида маълумот тарқалса, ғарб давлатлари томонидан ўтказиладиган абордаж операциялари учун хавф-хатарларни баҳолаш тизими бутунлай ўзгаради…
Кимдир бундай кема бортига чиқиши эҳтимоли деярли нолга тенг бўлади. Вертолётда унга ҳеч ким яқинлашмайди. Агар Россиянинг мақсади шу бўлган бўлса, унга эришилди», — дейди Болдер.
Эслатиб ўтамиз, ўтган ҳафтада Франция «соя флоти» танкерини қўлга олган эди.
