Гави Роналдуга билдирилаётган танқидларга муносабат билдирди
Испания терма жамоаси ярим ҳимоячиси Гави Португалия терма жамоаси етакчиси Криштиану Роналдунинг 2026 йилги жаҳон чемпионатидаги ўйинига нисбатан билдирилаётган танқидларга муносабат билдирди.
«Мен ҳеч қачон жамоадошлари томонидан Криштиану манзилига танқид эшитмаганман, фақат мухлислардан… Унинг жамоадошлари унга жуда катта ҳурмат билан қарайди. У тарихдаги энг кучли футболчилардан бири, Роналду исталган дақиқада ўйин тақдирини ўзгартириб юбориши мумкин», — дея Гавининг сўзларини келтиради машҳур журналист ва инсайдер Фабрицио Романо.
Эслатиб ўтамиз, жорий мундиалда Криштиану Роналду ҳозирга қадар учта гол урди. Жаҳон чемпионати 1/8 финал босқичидаги Португалия — Испания учрашуви 6 июлдан 7 июлга ўтар кечаси бўлиб ўтади.
ЖЧ-2026 мусобақаси тарихда илк бор бир вақтнинг ўзида уч давлат — АҚШ, Мексика ва Канадада ўтказилмоқда.
