Дональд Трамп: «АҚШ ҳеч қачон коммунистик давлатга айланмайди»

АҚШ Президенти Дональд Трамп коммунизм рамзлари бўлмиш «ўроқ ва болға»ни «йўқликка маҳкум этиш» (тарих саҳнасидан бутунлай ўчириб ташлаш) билан таҳдид қилди.

«Юлдузлар ва чизиқлар (АҚШ байроғи) аллақачон ўроқ ва болғани йўқликка равона қилган ва агар талаб этилса, биз буни яна такрорлаймиз», — дея унинг сўзларидан иқтибос келтиради The New York Times нашри.

Трамп коммунизм «айни шу ерда, Американинг ўзида хунук бошини кўтарганини» айтиб, уни «дарҳол кесиб ташланиши керак бўлган ўсимта (рак шиши)»га қиёслади. У коммунистик тизим Америка тузумига бутунлай зид эканини қайд этди. АҚШ раҳбари Қўшма Штатлар ҳеч қачон коммунистик давлатга айланмаслигини алоҳида таъкидлади.