Трамп: АҚШ Европадаги барча аскарларини олиб чиқиб кетиши мумкин эди
АҚШ Европа учун пул сарфлашга мажбур эмас ва Европанинг Вашингтон билан муносабатларга бўлган ёндашувини ҳисобга олган ҳолда, у ердан ўз қўшинларини тўлиқ олиб чиқиб кетиши мумкин, деб баёнот берди Америка президенти Дональд Трамп.
У бу ҳақда Анқарадаги НАТО саммити доирасида туркиялик ҳамкасби Режеп Таййип Эрдоган билан учрашувда, Гренландия атрофидаги вазият ҳамда Европанинг АҚШ томонидан орол устидан суверенитет олинишига тўсқинлик қилаётганига изоҳ бераётиб айтиб ўтди.
«Биз умуман пул сарфлашга мажбур эмасмиз. Биз Европадаги барча аскарларимизни олиб чиқиб кетишимиз мумкин эди», — дея таъкидлади Трамп.
Унинг қўшимча қилишича, Европа бундан 20 йил олдинги ҳолатида эмас.
