NATO Россия қўшинларини кузатиш учун янги тизимдан фойдаланади
Россия қўшинларининг эҳтимолий ҳаракатланишини кузатиш ва маълумотларни NATO’га узатиш билан «Palantir» компанияси томонидан ишлаб чиқилган «Maven Smart System» тизими шуғулланади, деб ёзмоқда «The Times» нашри.
Алянснинг шарқий қаноти бўйлаб содир бўлаётган воқеаларни кузатишдан ташқари, ушбу тизим блокнинг мудофаа режаларидаги заиф нуқталарни аниқлайди ва кучларнинг келажакдаги жойлашувини белгилашда ёрдам беради.
Нашр мақоласида қайд этилишича, ўтган ҳафта NATO тўлиқ техник оператив тайёргарликка эришилганини эълон қилган, бироқ пресс-релизда «Palantir» компаниясини тилга олмаган. Бунга алянснинг кўплаб аъзолари Марказий разведка бошқармаси томонидан қўллаб-қувватланадиган компания технологиясига қараб қолишга шубҳа билан қараётгани сабаб бўлган.
«Агар NATO урушга киришгудек бўлса, у урушга «Palantir» ёрдамида киради. Бу алянс таҳдидларининг кенг қамровли разведка манзараси, шунингдек, алянс активлари ва кучларининг жойлашувидир. Агар сиз нишонларга зарба беришни бошлашингиз керак бўлса, бутун ушбу жараён «Palantir» кўмагида ишга туширилади», — дейди «Palantir UK» бош директори Луис Мосли.
