Аркадий Дворкович FIDE раҳбарлигини тарк этди
Аркадий Дворкович ЕИ санкциялари сабабли FIDE раҳбарлигини тарк этди.
Россиянинг собиқ бош вазир ўринбосари Европа санкцияларининг 21-пакетига киритилган шахслар ва ташкилотлар рўйхатидан жой олди. Ушбу шахслар ва компанияларга нисбатан чеклов чоралари Европа ҳамкорлари билан активлар ва битимларни музлатишдан тортиб, ЕИ мамлакатларига сафар қилишни тақиқлашгача бўлган турли кўринишга эга.
2018 ва 2022 йилда FIDE раҳбари этиб сайланган Дворковичнинг ваколат муддати якунига етаётган эди. Навбатдаги сайловлар сентябр охирида Самарқандда бўлиб ўтади. Июн ойида россиялик мулозим қайта сайланиш учун курашишини маълум қилган эди.
Россиянинг Украинага тўлиқ миқёсли босқинидан сўнг, тўрт йилдан кўпроқ вақт олдин, россиялик шахматчиларга халқаро мусобақаларда Россия байроғи остида иштирок этиш тақиқланган эди. Шунга қарамай, Украина ва Ғарб мамлакатлари Москва FIDЕдаги ўз таъсирини оширишга уринганини ва бошқа мамлакатларнинг миллий федерацияларига тазйиқ ўтказганини таъкидлаб келаётган эди.
