The Wall Street Journal: АҚШ Эронга қарши ҳарбий амалиётни кенгайтиришга тайёргарлик кўрмоқда

Шунингдек, Германиядаги Ландштуль тиббиёт марказига 150 дан ортиқ ҳарбий тиббиёт ходими етиб келган. Бу марказ Яқин Шарқда яраланган америкалик ҳарбийлар даволанадиган асосий муассаса ҳисобланади. Ҳудуддаги авиабазаларга қирувчи самолётлар жойлаштирилган, АҚШ ва Буюк Британиядаги стратегик бомбардимончилар эса юқори жанговар шайлик ҳолатига ўтказилган.

Нашрнинг таъкидлашича, бу ҳаракатлар АҚШ президенти Дональд Трамп Эронга қарши ҳарбий операцияларни кенгайтириш имкониятини кўриб чиқаётганини англатиши мумкин. Шу билан бирга, газета тўлиқ кўламли уруш АҚШ учун ўқ-дорилар захирасининг қисқариши ва жаҳон нефть бозорида янги беқарорликларни келтириб чиқариши мумкинлигини қайд этган.