Бинямин Нетаняҳунинг хотини ва ўғли уйдаги хизматчиларга жисмоний куч ишлатган – The Times of Israel
Исроил бош вазири Бинямин Нетаняҳунинг расмий қароргоҳида ишлаган собиқ ходим ҳукумат раҳбари оиласига қарши айбловлар билан чиқди. Собиқ ходим шахсини ошкор қилмасликни сўраб, кўрсатма берган.
Унинг айтишича, бош вазирнинг рафиқаси Сара Нетаняҳу ходимларга нисбатан жисмоний куч ишлатган, уларни мунтазам равишда камситиб, ирқчилик муносабатида бўлган. Жумладан, Сара хорижлик ишчилар ва шарқий келиб чиқишга эга яҳудийларга (мизрахи) иккинчи даражали одамлардек қараган. Хусусан, у тозалаш ишлари сифатсиз бажарилганини баҳона қилиб, ходимни уч марта итариб юборган.
