Таиландда бедарак йўқолган россиялик опа-ука ўлдирилгани аниқланди
Таиландда бедарак йўқолган россиялик опа-ука ўлдирилгани аниқланди. Мамлакат бош вазири ҳодиса учун узр сўради
22 ёшли Диана Назимова ва унинг 17 ёшли укаси Роман 26 июль куни мотоциклда уйдан чиқиб кетган ва шундан сўнг қайтиб келмаган. 31 июль куни полиция маҳаллий икки фуқарони (собиқ маҳкумлар) қўлга олган. Улар қотилликни тан олиб, россиялик опа-уканинг жасадлари яширилган жойни кўрсатган. Воқеа жойига Таиланд бош вазири ҳам ташриф буюрган.
Айбланувчилар мотоциклни тортиб олмоқчи бўлгани, бироқ опа-ука қаршилик кўрсатгани учун уларни ўлдирганини айтган.
