Июн ва июль ойларида Европанинг ҳарорат рекордлари янгиланди
Европа Иттифоқининг Коперник иқлим ўзгариши хизмати ўзининг ойлик бюллетенида маълум қилишича, жорий йилнинг июнь ва июль ойларида Европада ўртача ҳарорат 21,62°C ни ташкил этди. Бу кузатувлар тарихидаги энг юқори рекорд кўрсаткич сифатида қайд этилди. Иқлимшунос олимларнинг ҳисоботида таъкидланишича, Европа сайёрамизда энг тез исиб бораётган қитъа бўлиб қолмоқда ва иқлим ўзгариши кучли иссиқлик тўлқинлари, қурғоқчилик ҳамда ўрмон ёнғинларини янада кучайтирган.
Мисли кўрилмайдиган аномал иссиқлик туфайли 120 миллионга яқин европалик, айниқса, Буюк Британиянинг жануби, Франциянинг ғарби ва Испаниянинг шимолий қисмида оғир шароитга дуч келди. Хусусан, Францияда ўртача ҳарорат 1991–2020 йиллардаги меъёрдан 3,8°C гача ошиб кетди. Бу ҳолат йирик табиий офатларга сабаб бўлди. Қурғоқчилик ортидан кучли ўрмон ёнғинлари келиб чиқиб, Франциянинг Жиронде минтақасида қарийб 42 000 гектар ва Испаниянинг Авила шаҳрида тахминан 44 000 гектар ўрмон майдонлари култепага айланди.
