Трамп яна президентликка номзодини қўймоқчилигини айтди
АҚШ президентининг сўзларига кўра, “ҳамма” у учинчи муддатга ҳам номзодини қўйишини хоҳлайди.
«Мен ўз номзодимни қўймоқчи эдим, лекин қонун жуда қаттиқ», — деди Трамп.
Қонунга кўра, Доналд Трампнинг президентликдаги иккинчи муддати 2029 йил январ ойида тугаши керак. 1951 йилда қабул қилинган АҚШ Конституциясига 22-тузатиш президентнинг лавозимда бўлиш муддатини икки муддат билан чеклайди. Шунга қарамай, мамлакатнинг амалдаги раҳбари учинчи муддатга қайта сайланиш имкониятини бир неча бор тан олган.
Трамп 2024 йил ноябр ойида бўлиб ўтган сайловларда иккинчи марта ғалаба қозонди. У Демократик партиядан номзод Камала Ҳаррисни мағлуб этди. Трамп биринчи марта 2017-2021 йилларда Америка маъмуриятини бошқарган.
