Холанд учун яна бир топ-клуб курашга қўшилди

Эрлинг Холанднинг «Манчестер Сити»даги келажаги атрофидаги гап-сўзлар яна кучайди.

Форвард Англия клубини тарк этиши мумкинлиги ҳақидаги хабарлар фонида унга Европанинг бир қатор грандлари қизиқиш билдирмоқда. «Арсенал», «Реал» ва «Барселона» қаторига энди «Бавария» ҳам қўшилган.

Манбага кўра, мюнхенликлар норвегиялик ҳужумчининг вазиятини кузатмоқда ва имконият пайдо бўлса, трансфер учун курашга тайёр.

Холанд учун Германия чемпионати бегона эмас. У «Манчестер Сити»га ўтишидан олдин Дортмунднинг «Боруссия» клубида муваффақиятли тўп сурган.

Норвегиялик футболчи 2022 йилда «Манчестер Сити» сафига келиб қўшилган эди.