“Пединститут”нинг Чилонзордаги бинолари сотувга қўйилди

Низомий номидаги педагогика университетининг Чилонзор метроси яқинидаги асосий ўқув биноси ҳамда унга туташ объектлар E-auksion орқали сотувга чиқарилди.

Асосий бино 269,2 млрд сўмга, кутубхона, ошхона ва спорт майдончаси эса 207,2 млрд сўм бошланғич нархда баҳоланган.

Харидор ҳудудда хусусий таълим муассасаси очиши шарт. Бинолар 2029 йил охиригача бўшатиб берилади. Аукцион 26 октябрь куни бўлиб ўтади.