Рамазон Темиров UFCдаги илк мағлубиятини қабул қилди
Ўзбекистонлик ММА жангчиси Рамазон Темировнинг UFCдаги мағлубиятсиз юришига нуқта қўйилди. У Абу-Дабида ташкил этилган UFC 333 турнирида британиялик Лонер Каванага имкониятни бой берди.
Энг енгил вазн тоифасидаги тўқнашув биринчи раунддаёқ якунланди. Кавана рақибидан устун келиб, профессионал фаолиятидаги 11-ғалабасини қўлга киритди.
Ушбу натижа Темиров учун UFCдаги илк, профессионал ММА фаолиятидаги эса учинчи мағлубият бўлди. Шунингдек, унинг кетма-кет 12 та жангдан иборат ғалабали серияси ҳам тўхтади.
Эслатиб ўтамиз, жанг олдидан Кавана UFC рейтингида олтинчи, Темиров эса ўнинчи поғонада бораётган эди.
