Роналду продюсерлик қилган фильмда Голливуд юлдузлари роль ижро этди
Португалиялик машҳур футболчи Криштиану Роналду ўзини кино соҳасида ҳам синаб кўрди. У британиялик режиссёр Мэттью Вон билан ҳамкорликда илк тўлиқ метражли фильмига продюсерлик қилди.
Deadline нашрининг хабар беришича, «Каскадёрлар» деб номланган фильм комедия ва жангари жанрларини бирлаштирган бўлиб, икки нафар каскадёрнинг саргузаштлари ҳақида ҳикоя қилади.
Картинада бош ролларни Голливуд юлдузи Крис Хемсворт ва «Оскар» мукофоти совриндори Сэм Рокуэлл ижро этган.
Шунингдек, Роналду актёр Мэтт Деймонни фильмда кичик эпизодик роль ижро этишга шахсан таклиф қилгани айтилмоқда.
Яқин кунларда фильм АҚШда ўтказиладиган American Film Market (AFM) кино бозорида харидорларга тақдим этилади. Ижодкорлар йирик халқаро дистрибьютор ёки стриминг платформаси билан шартнома тузишни режалаштирмоқда.
Эслатиб ўтамиз, «Ан-Наср»нинг 41 ёшли ҳужумчиси яқинда Португалия терма жамоасидаги 23 йиллик фаолиятини якунлаганини эълон қилган эди.
