Мераб Двалишвили Нурмагомедов учун мурожаат қилди
Қамоқдан чиққанидан бир кун ўтгач, Мераб Двалишвили Абу-Дабидаги RAF турнирида бразилиялик Марлон Мораесни мағлуб этиши учун бир ярим дақиқа вақт сарфлади.
Шундан сўнг, грузиялик жангчи барча ҳибсга олинганларни, шу жумладан, жангни бошлаб берган Усман Нурмагомедовни ҳам озод қилишни сўраб, ҳокимиятга мурожаат қилди.
«Ҳаммага раҳмат, ҳаммангизни яхши кўраман! Эшитинг, агар иложи бўлса, Абу-Даби ҳукуматига ёки бунга таъсир қила оладиган ҳар кимга мурожаат қилмоқчиман. Илтимос, бу йигитларни озод қилинг, илтимос, уларни қўйиб юборинг. Сиздан жуда илтимос қиламан! Биз шунчаки жангчимиз ва ҳар нарса бўлиши мумкин, лекин мен уларнинг озод қилинишини жуда хоҳлайман. Илтимос», – деди Двалишвили жангдан кейин Чел Соннен билан суҳбатда.
Шу билан бирга, собиқ UFC чемпиони жангдан бироз олдин берган интервьюсида Умар Нурмагомедов ҳам ҳибсга олинганлар орасида эканлигини, гарчи у воқеа жойига жангдан кейин келганини маълум қилганди.
Кеча маълум бўлишича, Россия жамоасининг олти нафар вакили ва ҳодисани видеога олган икки киши олти ойлик қамоқ жазосига ҳукм қилинган, Мераб Двалишвили ва унинг дўсти Саба Лазишвили эса жарималар эвазига озод қилинган эди.
