Зеленский Брюсселга етиб келди
Бугун Украина президенти Владимир Зеленский Брюсселга ташриф билан келди ва у ерда хавфсизлик бўйича яна учта икки томонлама шартнома имзолайди. Бу ҳақда Украина ОАВлари президентнинг Телеграм-каналига асосланиб хабар берди.
Президент эслатишича, Украина яқинда Европа Иттифоқига (ЕИ) аъзолик бўйича музокараларни расман бошлади. Бугун у Брюсселга ташрифи чоғида Европа кенгаши йиғилишида иштирок этади ва иттифоққа аъзо давлатлар раҳбарларига мамлакатни интеграция йўлида қўллаб-қувватлаганликлари учун миннатдорчилик билдиради.
Хусусан, ташриф давомида Зеленский Европа Иттифоқи ва аъзо давлатлар раҳбарлари билан учрашади ва икки томонлама музокаралар ўтказади, учта хавфсизлик шартномасини имзолайди, улардан бири ЕИ билан.
