АҚШнинг Ироқдаги ҳарбий базасига ракеталар отилган
Ироқ ғарбида жойлашган АҚШ ҳарбий-ҳаво базаси юк машинасидан отилган ракеталар билан ҳужумга учради. Бу ҳақда Ироқ махсус хизматларидаги манбага таяниб, «РИА Новости» хабар бермоқда .
Маълумотларга кўра, АҚШнинг Айн ал-Ассад базаси Катюша ракеталари билан ўққа тутилган. Агентлик суҳбатдошининг айтишича, иккала ракета ҳам база четида портлаган ва ҳеч қандай зарар етказмаган. Унинг сўзларига кўра, ракеталар юк машинасидан учирилган.
