Месси дунё спортидаги энг яхши ўйинчи кимлигини айтди
Аргентина терма жамоаси ҳужумчиси ва саккиз карра «Олтин тўп» соҳиби Лионел Месси «Чикаго Буллз» ва АҚШ терма жамоасининг собиқ баскетболчиси Майкл Жорданни тарихдаги энг буюк спортчи деб билишини тан олди.
Унинг сўзларини SPORF нашри Х ижтимоий тармоғида келтирган.
«Менимча, спорт ҳақида гап кетганда, Майкл Жордан энг зўр. «Охирги рақс»ни кўрганимдан сўнг мен илҳомландим ва унинг кимлиги ҳақида кўпроқ билиб олдим», — деди Месси.
ESPN экспертларининг фикрича, Жордан тарихдаги энг яхши баскетболчи. У ҳужумкор ҳимоячи сифатида ўйнади. Баскетболчи икки карра Олимпия чемпиони саналади.
