Зеленский ва Макрон ўртасидаги музокаралар тафсилотлари маълум бўлди
Президент Владимир Зеленскийнинг айтишича, франциялик ҳамкасби Эммануэл Макрон билан учрашувда томонлар биргаликда қурол ишлаб чиқариш масаласини муҳокама қилган. Унинг Франция президенти билан учрашувдан кейинги сўзларини Европа ҳақиқати келтирмоқда.
Зеленскийнинг сўзларига кўра, учрашув чоғида давлат раҳбарлари жанг майдонидаги вазият ва Украинанинг позициясини мустаҳкамлаши ва Европани ҳимоя қилиши мумкин бўлган нарсаларни муҳокама қилган. Биргаликда қурол ишлаб чиқариш масаласи алоҳида муҳокама қилинди, дея аниқлик киритди у.
«Биз бундай ҳамкорликни кенгайтиришимиз керак. Биз бу борадаги ишлар мудофаа вазирлари даражасида олиб борилишига келишиб олдик», — деди Зеленский.
